काठमाण्डौं,साउन ३१ । एन एण्ड जे इन्टरटेनमेन्ट एन.वाई.इन्क अमेरिकाद्वारा आयाेजित पुरस्कार समर्पणकाे महत्त्वपूर्ण अवसरमा धरान उपमहानगरपालिकाका मेयर हर्क साम्पाङ काठमाडौंमा अन्तर्राष्ट्रिय अवार्डबाट सम्मानित भएका छन्। साम्पाङलाई नगद रू २५ हजारकाे साथमा सम्मानपत्रद्वारा विशेष सम्मान गरिएको हाे।साम्पाङ स्व. अर्जुनप्रसाद प्रसाईंकाे नामबाट स्थापना गरिएको लोकप्रिय युवा नेता पुरस्कारबाट सम्मानित भएका हुन् ।

सापाङ्ले नेपाली समाज तथा धराने जनताकाे लागि केही उदाहरणीय तथा विकासमूलक कार्यका लागि अग्रभागमा रहेर जनप्रतिनिधिकाे रूपमा महत्त्वपूर्ण भुमिका निर्वाह गरेकोले उनलाई अझै अघि बढ्न हाैसला स्वरुप उत्त सम्मानबाट सम्मानित गरिएको उल्लेख गरिएको छ।

सम्मानप्रत्र ग्रहण गर्दै मेयर साम्पाङले “सबैलाई धन्यवाद दिदै मैले समान पाउने लाएक त्यस्तो काम गरे जस्तो लाग्दैन ,समाजले आजमालाई कस्री हेर्नु भएको छ अचम्म लाग्छ । फोटोखिच्न लालाइत मान्छेहरु देख्छु बिहान देखी इन्टरभ्यु लिन चाहनु हुन्छ । मैले खासमा त्यस्तो ठुलो केही काम गरेको छैन तर पनि यती धेरै माया प्राप्त भयो यो मेरो शौभाग्य ठान्नु पर्छ । सम्मान दिनु हुने संस्था र आयोजकलाई धेरै धेरै धन्यवाद दिन चाहन्छु । मैले जुन कुरा धरानका जनतालाई दिन चाहेको छु त्यो पुरा होस् ।” भन्नु भयो ।

सम्मान पत्र दिदै संस्थाकी संस्थापक कमला प्रसाईले प्रवासमा रहेर पनि देश प्रतीको माया र सदभाव पोख्न पाएकोमा आँफैलाई गौरव लागेको र मेयर साम्पाङ जस्ता ब्यक्तित्वलाई सम्मान गर्न पाएकोमा संस्थाको गरिमा बढेको बताउनु भयो ।
सम्मान पत्र दिन संस्थाकी संस्थापक कमला प्रसाई वहाँको छोरा कबिन विक्रम शाह लगायतको उपस्थिती रहेको थियो ।