गुल्मी,असार ५ । गुल्मीमा होम क्वारेन्टिनमा बसेका एक पुरुषको निधन भएको छ । भारतवाट आएका एक पुरुष होमक्वारेन्टिनमा बसेका थिए ।

जिल्ला प्रहरी कार्यालय गुल्मीका प्रहरी उपरीक्षक एसपी राजेन्द्रसिंह खड्काले घटनाको पुष्टि गरेका छन् । गुल्मीको छत्रकोट गाउँपालिका–५ मैनडाँडाका ६९ वर्षीय पुरुषको निधन भएको भएको बताए । उनी गत २५ जेठमा भारतबाट आएर होम क्वारेन्टिनमा बसेका थिए ।

बिहीबार गरिएको प्रारम्भिक जाँच आरडिटी परीक्षणमा उनको रिपोर्ट पोजेटिभ आएको थियो । आरडिटी पोजेटिभ आएपछि उनलाई होम क्वारेन्टिनमा बस्न सुझाव दिइएको थियो । गाउँपालिकाका स्वास्थ्य संयोजक पुण्य पौडेलले होम क्वारेन्टिनमै बसेको बेलामा उनको निधन भएको बताएका छन् । निधन पछि ति पुरुषको स्वाब परीक्षणका लागि प्रादेशिक प्रयोगशाला रुपन्देही पठाइएको र कोरोना भए नभएको रिपोर्ट आएपछि मात्र थाहा हुने उनले बताए ।