काठमाण्डौं,फागुन १३ । संसदमा पेस भएको एमसीसी खारेजीको माग गर्दै आज पनि प्रदर्शन भएको छ । नेकपा माओवादी केन्द्र, अखिल क्रान्तिकारी र नेपाल मजदुर किसान पार्टी लगायतका पार्टिको संयुक्त आवहानमा प्रदर्शन गरिएको हो ।

सरकारको तर्फबाट कानुन न्याय तथा संसदीय मामिला मन्त्री दिलेन्द्र प्रसाद बडुले आग्रह गरेपछि सभामुख अग्निप्रसाद सापकोटाले आजको बैठक स्थगित गरेका हुन्। ‘हामीले प्रतिपक्षी लगायत अन्य दलसँग सहमतिका लागि समय आवश्यक भयो भन्यौँ’, बडुले सेतोपाटीसँग भने, ‘त्यसपछि सभामुखले सूचना निकालिदिनु भएको हो।’

अब अर्को बैठक आगामी आइतबार दिउँसो १ बजे बस्ने प्रतिनिधि सभा सचिव गोपालनाथ योगीले जानकारी दिए।