काठमाण्डौं,साउन ३१ । गीतकार सुनिल संगमको “तिम्रो लागि” गीतको म्युजिक भिडियो सार्वजनिक भएको छ ।

बेलायत निवासी कवी तथा गीतकार सुनिल सङ्गमको आफ्नै रचना,सङ्गीत,निर्देशनमा तयार भएको उक्त गीतको निर्माण पनि आफैले गरेका हुन ।

गीतलाई चर्चित गायिका बुनु श्रेष्ठले स्वर दिएकी छिन भने संगीत संयोजन देबेन्द्र नेवाले गरेका छन । त्यस्तै गीतको रेकर्डिङ साउण्डमिल स्टुडियोमा गरिएको हो ।

भिडियोमा स्पन्दन बिनोद, पूजा सिँखडा,रिया शर्मा र मछिन्द्र अर्यालको अभिनय रहेको छ । पुष्पराज सुबेदीको छायान्कन र ओम प्रकाश अवस्थीको सम्पादन रहेको छ ।
आधुनिक संगीतमा बियोगान्त कथालाई समेटिएको छ । म्युजिक भिडियोलाई पोर्तुगलमा छायान्कन गरिएको निर्देशक संगमले बताए ।
भिडियो ओएसआर मुबिजको युट्युब च्यानल मार्फत सार्वजनिक गरिएको छ ।