काठमाडौं, माघ ४ गते । दाङ जिल्ला खेलकुद विकास समितिका तेक्वान्दो सहायक प्रशिक्षक धनबहादुर नेपालीको स्वर्गारोहण भएको १३ औं दिनको पुण्य तिथिमा राष्ट्रिय खेलकुद परिषद् (राखेप) ले बुधबार श्रद्धाञ्जली कार्यक्रम आयोजना गर्यो  ।
राखेपका सदस्य–सचिव टंकलाल घिसिङ, विभागीय प्रमुख, शाखा प्रमुख, खेलाडी, प्रशिक्षक, कर्मचारीलगायतले स्व. नेपालीको तस्वीरमा पुष्पगुच्छा चढाईं भावपूर्ण श्रद्धाञ्जली अर्पण गरेका थिए ।

त्यसअघि दिवंगत आत्माको चिर शान्तिको कामना गर्दै १ मिनेट मौन धारण गरिएको थियो । नेपालीको गत पुस २२ गते निधन भएको थियो ।