काठमाण्डौं,चैत २  । साहित्य र लेखनमा कलम चलाउँदै आएकी गीतकार सुनिता प्रसाईको “तिम्रो नजरमा” बोलको भिडियो युट्युबमा सार्वजनिक भएको छ । गीतमा शब्द सुनिता प्रसाई, स्वर सङ्गीत बिष्णु अधिकारीले दिएका छन । गीतलाइ ओपल स्टुडियोमा रेकर्ड गराइएको हो ।

उक्त गीत आधुनिक सोलो संगीतमा सजिएको छ । मायाप्रेमको भावमा बगेको शब्दले गीतकारलाई उत्कृष्ट लेखन भएको गीतकारका रुपमा प्रस्तुत गर्न सफल देखिएको छ ।

गीतले बजारमा चर्चा कमाउँदै गर्दा कतिको खुशी लागेको छ भन्ने बिषयमा नियात्राटिभीले राखेको प्रश्नको उत्तरमा प्रसाईले भनिन – “दर्शक र श्रोताको मायाले अझै लेखन कार्यमा जिम्मेवारी थपेको छ । यो गीतलाई युवापुस्ताले मन पराइदिनु भएको छ अझ राम्रो लेख्ने हौसला बढेको छ ।”

यस्तै संगीतकार तथा गायक अधिकारीको सङीत र स्वर पनि उत्कृष्ट रहेकोले दर्शक श्रोताले रुचाउने कुरामा प्रसाई ढुक्क देखिएकि छिन । गीतलाई ओपल म्युजिक स्टुडियोको युट्युब च्यानल मार्फत हेर्नसकिन्छ । हेर्नुहोस् भिडियो :-