काठमाडौं, २३ पौष । संस्कृति पर्यटन तथा नागरिक उड्डयनमन्त्री मन्त्री रविन्द्र अधिकारीले वाइडवडी विमान खरिद प्रकरणमा आफ्नो कुनै संलग्नता नरहेको भन्दै पुर्वाग्रही ढंगले आफ्नो नाम जोडिएको दाबी गरेका छन्।.

आइतबार सिंहदरबारस्थित मन्त्रालयमा पत्रकार सम्मेलन गरि उनले विमान खरिद प्रक्रियामा आफ्नो संलग्नता नरहेको दाबी गरेका हुन्। संसदीय समिति अन्र्तगतको उपसमितिले विमान खरिद प्रकरणमा अधिकारी सहित ३ मन्त्री र दुई वहालवाला सचिव र पूर्व सचिवको पनि संलग्नता रहेको प्रतिवेदन सार्वजनिक भएपछि मन्त्रीले पत्रकार सम्मेलन गरी आफू निर्दोष भएको दाबी गरेका हुन्।