काठमाण्डौं,जेठ ९ । निर्देशक मिलन चाम्सको चलचित्र गोर्खा वारियर को टिजर शो प्रदर्शन भएको छ । काठमाण्डौंको विश्वज्योती हलमा एक बिशेष शो गरी पत्रकारमाझ प्रदर्शन गरिएको हो ।

चलचित्रको टिजर सार्वजनिक गर्दै निर्देशक चाम्सले आफ्नो जीवन कै एतिहासिक चलचित्र बनाउने सोचका साथ बनेको गोर्खा वारियर बाट निकै आशावादी भएको बताएका छन ।

उनले उक्त चलचित्रलाई लण्डनको आई म्याक्स हलमा आगामी २३ सेप्टेम्बरमा प्रिमियर गर्ने भएका छन ।

चलचित्रमा रितेश चाम्स,बिजय लामा,रेविका गुरुङ,कबिता आले,रियर राइ,सुरज तमु,भुवन सिंह राइ,तिर्छु राइ,दिग्गिज खत्री,सरोज खालिङ,आरुस जङ सारु मगर आदी को प्रमुख भूमिका रहेको छ । त्यस्तै चलचित्रको कथा र निर्देशन मिलन चाम्स को नै रहेको छ ।