काठमाण्डौं,साउन ५  । शर्मीला फुयाल (सन्धया) र कर्ण राज गीरीको सुमधुर स्वरमा सजिएको ‘कुन तार मिलेन’ बोलको म्युजिक भिडियो सार्वजनिक भएको छोटो समयमा नै लोकप्रियता हाँसिल गरेको छ। गीतलाई १० लाख पटक भन्दा बढी हेरी सकिएको छ । शर्मीला फुयाल (सन्धया)को शब्द/संगीत रहेको छ भने ध्वनी मिश्रण बाबुल गीरीको रहेको छ।

युवा प्रेम र आकर्षणलाई प्रस्तुत गरिएको गीतको भिडियोमा सुधिर श्रेष्ठ, उषा उप्रेति, कर्ण राज गीरी र शर्मीला फुयाल (सन्धया) बिचको अन्स्क्रिन प्रेम र रोमान्स देख्न सकिन्छ।

विक्रम चौहानको निर्देशन रहेको भिडियोलाई मिलन विश्वकर्मको सम्पादन र प्रकाश खड्काको छायाँकनमा भिडियो तयार पारिएको हो। भिडियो ‘ ओएसआर डिजिटल’ नामक युट्युव च्यानल मार्फत सार्वजनिक भएको हो। निर्माण टिमले भिडियोलाई हेरेर सुनेर प्रतिक्रिया दिन सबैलाई आग्रह गरेको छ।