काठमाडौं, भदौ ७ गते । भ्याली पब्लिक र जेसिस दसौं ग्रिनफिल्ड कप अन्तरविद्यालय बास्केटबल प्रतियोगिताको सिनियर गल्र्समा बिहीबार सेमिफाइनलमा प्रवेश गरेका छन् ।
बाफलस्थित आयोजक ग्रिनफिल्ड नेसनल स्कुलको कोर्टमा भ्याली पब्लिकले काष्ठमण्डप विद्यालयलाई ४३–२४ ले पराजित गर्यो । भ्याली पब्लिकको जितमा लोरिशा गौचनले २० अंक योगदान गरिन् । स्मृतिको १० अंक सहयोगमा जेसिसले महामञ्जुश्रीलाई २१–१० ले हरायो ।

जुनियर ब्वाइजमा एन्जल्स हार्टले सेबलाई ३१–२३ ले पाखा लगाउदै सेमिफाइनल यात्रा तय गर्यो । एन्जल्स हार्टका लागि रुपेश पौडेलले २५ स्कोर गरे ।
सिनियर ब्वाइजमा जेनिथ, ग्रिनल्यान्ड र जेबी इङलिस स्कुलले सेमिफाइनलमा स्थान सुरक्षित गरे । जेनिथले पिपुल्स एकेडेमीको यात्रामा ५०–३४ ले पूर्णविराम लगायो । जेनिथका रोनिश लामाले १४ अंक जोडे ।

ग्रिनल्यन्डले हेम्सलाई ६७–५१ ले पन्छायो । ग्रिनल्यान्डका प्रवीण गुरुङले २७ अंक बटुले । जेबीले ब्राइट होराइजनमाथि ६१–५९ को कठिन जित दर्ता ग¥यो । जेबीका विकास डंगोलले २४ स्कोर गरे ।