झापा, भदौ ८ गते । इलाका प्रहरी कार्यालय झिलझिले झापाका इन्चार्ज इन्स्पेक्टर युवराज कटुवालमाथी बन्चरो प्रहार गर्ने तीन जना पक्राउ परेका छन् ।

कटुवालमाथि बिहीबार साँझ झापा शिवसताक्षी–९ झरना पूल नजिकै आक्रमण भएको थियो । लागुुऔषध ब्राउन सुगर सेवन गरिरहेको सुचनाको आधारमा उनी नेतृत्वको टोली सादा पोशाकमा खटिएको थियो ।

मोटरसाइकल अनियन्त्रित तरिकाले चलाएको देखेर रोकेर सोधपुछ गर्ने क्रममा कटुवालमाथि आक्रमण भएको जनाईएको छ । बन्चरोले आक्रमणबाट घाईते प्रहरी निरिक्षकको टाउकोमा र हातको औंलामा चोट लागेको छ । घटनामा संलग्न तीन जनालाई प्रहरीले नियन्त्रणमा लिएको छ ।