चलचित्र ‘देवी’ को ट्रेलर सार्वजनिक
काठमाण्डौं,भदौ २ । चलचित्र ‘देवी’को ट्रेलर सार्वजनिक भएको छ । आज काठमाण्डौंको बिग मुबिज सिनेमा घरमा पत्रकारमाझ उक्त चलचित्रको ट्रेलर सार्वजनिक गरिएको हो । चलचित्रका नायक,नायिका र निर्माण टिमको सहभागिता रहेको कार्यक्रममा निर्देशक सन्जोग राई ले चलचित्रले महिला हिंसाका बिरुद्धमा आवाज उठाउन खोजेको बताउनु भएको छ ।
एक बलात्कृत युवती देखि एसिड आक्रमणमा परि न्याय नपाएका बिषयलाई आधार बनाई चलचित्रको उठान गरिएको ट्रेलरमा देख्न सकिन्छ । त्यस्तै नायिका शिल्पा मास्केले चलचित्रमा आफुले कथाबस्तुअनुसार धेरै मेहनत गरेको र दर्शकको माया पाउने म विश्वस्त रहेको बताइन ।
नायक नाजिर हुसेनले सटिकमा बोल्दै भने ‘यस चलचित्रको कथा र अहिले भरखर मात्र भारतमा एक डाक्टर महिला माथि भएको घटनाले भावुक बनाएको छ । समाजमा महिला हिंसा र बलात्कार जस्ता घटनाबाट प्रसय पाएकाहरुलाई समयमै कानुनले सजाय दिनुपर्दछ र पीडितले न्याय पाउनु पर्छ भन्ने कथाको मुल रुपमा आधारित चलचित्रको एक पात्र भएर खेल्न पाउँदा खुशी छु र दर्शकले मन पराइदिनु हुने छ भन्ने आशा लिएको छु ।’ भन्नु भयो ।
चलचित्र ‘देवी’मा शिल्पा मास्के,नाजिर हुसेन,गौरव पहारी,टिका पहारी,प्रभाकर न्यौपाने,धुर्व कोइराला,निरिक्षा घतानी,बिशाल पहारी,निरु खड्का,जीवन जङ्ग थापा र बिकास पन्तको अभिनय देख्न सकिन्छ ।
चलचित्रका निर्माता रेमण्ड गुरुङ्ग,हुन् । सह निर्माता क्रमश: मिलन लामा,नारायण गुरुङ्ग,शिल्पा मास्के,उज्जेन नर्बु गुरुङ्ग र निर्देशन सन्जोग राई को रहेको छ । त्यस्तै जोयल फ्रूमी एसले छायांकन गरेका हुन् ।
द्वन्द सन्जिन थापा,मिडिया कोअर्डिनेटर दिनेश सिटौला,सम्पादन सन्तोष दवाडी,यियान स्कट लेमेन्ट,बितरक श्री बेन्क्टेश्वर इन्टरटेन्मेन्ट प्रा लि को रहेको छ । चलचित्र’देवी’को ट्रेलर ओएसआर दिजिटलको युट्युब च्यानल बाट हेर्न सकिन्छ ।
