ललितपुर,कार्तिक ४ । गत शुक्रबार देखि ललितपुर सातदोबाटो स्थित नेपाल तेक्वान्दो संघको केन्द्रिय एकेडेमी भवनमा संचालन भइरहेको ‘2024 Korean Ambassador Open Taekwondo Championships अन्तगर्त शनिबार भएको खेलमा पुम्से विधाका सम्पुर्ण विजयी खेलाडीहरुलाई पदक तथा प्रमाणपत्र वितरण गरिएको छ।

पदक तथा प्रमाणपत्र वितरण समारोहमा नेपाल तेक्वान्दो संघका केन्द्रीय सदस्य एवम् प्राविधिक सल्लाहकार टार्जन सुब्बाज्यू, संघका केन्द्रीय सदस्य बब्लु शिवाकोटी, तेक्वान्दो मुख्य प्रशिक्षक पूर्ण कुमार योञ्जन, सिन्धुपाल्चोक जिल्ला तेक्वान्दो संघका अध्यक्ष प्रेमबहादुर भण्डारी द्वारा विजयी खेलाडीहरुलाई पदक तथा प्रमाणपत्र वितरण गरियो।

मित्र राष्ट्र कोरिया र नेपाल बिचको दौत्य सम्बन्ध स्थापित भएको ५० औँ वार्षिकोत्सवको सुअवसरमा नेपाल तेक्वान्दो संघ र नेपाल स्थित कोरियाली राजदुतावासको संयुक्त आयोजनामा कार्तिक २ गते देखि ललितपुर सातदोबाटो स्थित नेपाल तेक्वान्दो संघको केन्द्रिय एकेडेमी भवनमा संचालन भइरहेको छ ।