काठमाण्डौं,कार्तिक २१ गते । चलचित्र “ह्रस्व दीर्घ”को ट्रेलर सार्वजनिक भएको छ । आज काठमाण्डौको एक सिनेमा घरमा पत्रकारमाझ उक्त चलचित्रको ट्रेलर सार्वजनिक गरियो ।
ट्रेलर सार्वजनिक गर्दै निर्माता तथा नायिका निता ढुंङ्गानाले २ बर्ष लगाएर चलचित्र तयार भएको बताएकी छिन् । दक्षिण भारतका चर्चित कलाकार र नेपाली कलाकारको जमघटमा एउटा गज्जबको रहस्यमय कथामा बनेको चलचित्र देख्न पाईन्छ ।

ट्रेलरमा बिशेष गरी द्वन्दलाई प्राथमिकता दिएको देखिए पनि चलचित्रको नाम र कथा रहस्यमय नै राखिएको छ । चलचित्रमा नायक नायिका र खलनायक को हो भन्ने प्रस्ट देखिएको ट्रेलरले चलचित्र भवनसम्म दर्शक तान्ने पक्का छ । चलचित्र यही कार्तिक ३० गते बाट देशभरका चलचित्र भवनमा प्रदर्शनमा आउँदै छ । ट्रेलर ओएसआर डिजिटलको युट्युब मार्फत हेर्न सकिन्छ ।