‘मलाई मेरै नेपाली’ भन्दै मरुनीमा छमछम नाचिन बुनु

काठमाडौं ४ फागुन । गायिका बुनु श्रेष्ठको मारुनी ‘मलाई मेरै नेपाली’बोलको गीतको भिडियो सार्वजनिक भएको छ। शुक्रबार राजधानीमा एक कार्यक्रम आयोजना गरेर गीत सार्वजनिक गरिएको हो। मारुनी गीत ‘मलाई मेरै नेपाली’बोलको गीतमा प्रमोद कोईरालाको शब्द तथा संगीत रहेको छ भने गीतलाई महाराज थापाले एरेन्ज गरेका हुन्।

भिडियोमा नेपाली मौलिकता झल्कने नृत्य तथा दृष्यहरु छायाँकन गरिएको छ । लोप हुँदै गएको नेपाली कला संस्कृतिको जगेर्नामा केहि योगदान पुग्नेमा आशावादी रहेको बताउँछिन गायिका श्रेष्ठ भने गीतका रचनाकार तथा संगीतकार प्रमोद कोईराला उक्त गीत आफ्नो सांगितिक यात्राका लागि महत्वपूर्ण भएको बताउँछन्।

करिब १२ वर्षको अन्तरालपछि नेपाली संगीत क्षेत्रमा फर्किएकी गायिका श्रेष्ठ पछिल्लो समय एकपछि अर्को गर्दै नयाँ नयाँ गीतहरु सार्वजनिक गर्दैछिन्। उनले यसअघि मात्रै ‘छ कि छैन’, ‘भगवान मेरो–प्रायश्चित’ लगायतका गीतहरु सार्वजनिक गरिसकेकी छिन्।

पशुपति श्रेष्ठको छायाँकन तथा निर्देशनमा निर्माण भएको भिडियोमा मोडल साक्षी लम्साल, क्रिस्टिना केसी, गरिमा र आयुष्मान राजभण्डारी फिचरिङ छन्। बिनोद रञ्जितको कोरियोग्राफी रहेको भिडियोलाई विकास दाहालले सम्पादन गरेका हुन्।

गायिका बुनु श्रेष्ठको आफ्नै स्टुडियो साउण्ड मिलमा रेकर्ड भएको गीतलाई उनकै श्रीमान् महेश्वरमान राजभण्डारीले मिक्सिङ तथा मास्टरिङ गरेका हुन्।



Basundhara -3 Kathmandu Nepal

Information Department Registration No - 1166 /075/076
President – Ratan Bahadur Chand
Contact- ००977-9818610415/9860975774
Mail - [email protected]
Manager - Gyanendra Prasad Bhatt

About Us

Niatra Multi Media Pvt. Ltd.
Editor - Bibek Bikram Malla
Correspondent - Nabin Timilsina
Photo journalist - Ratan Bahadur Chand
Ashish Neupane

Mail - [email protected]

Us on social media

© 2017 Niatratv