काठमाडौं,फागुन १० । नेपाल आईडलको ८औं स्थान सम्म पर्न सफल क्रिशल कडेलको स्वरमा सजिएको “ओढेर घुंघट ” बोलको गीतको भिडियो सार्वजनिक भएको छ । बिहीवार काठमाण्डौंमा एक कार्यक्रमको आयोजना गरी उक्त भिडियो सार्वजनिक गरिएको हो ।

भिडियोमा क्रिशल कडेल र सेड्रिना शर्माको उत्कृष्ट अभिनय देख्न पाईन्छ । न्रिपेश उप्रेती को शब्दमा संगीतकार अर्जुन पोखरेलले उत्कृष्ट संगीत भरेका छन भने, गोपाल रसाइलीको संगीत संयोजन पनि त्यतिकै उत्कृष्ट छ ।

निर्देशक दिपक आचार्यले फरक शैलीमा प्रस्तुती दिएका छन भने डिओपी अर्जुन तिवारी , सिनेमाटोग्राफर अर्जुन थापा, कोरियोग्राफर र ड्रेस डीजाइन तेन्जु योन्जन,कलरिङ्ग तथा सम्पादन चन्दन दत्ता ले गरेका हुन ।