काठमाडौं, असार २४ । प्रधानमन्त्री केपी शर्मा ओलीले आज (मंगलवार) केही विशेष निर्णय गर्ने अनुमान गरिएको छ । प्रधानमन्त्री ओली मंगलवार विहान ७ वजे नै मन्त्रीपरिषदको आकस्मिक बैठक बोलाएका थिए । हिँजो सोमवार पनि मन्त्रीपरिषद बैठक बसेको थियो । त्यहाँवाट सिधै राष्ट्रपति निवासमा राष्ट्रपति विद्यादेवी भण्डारीलाई भेट्न पुगेका प्रधानमन्त्री ओलीले त्यहाँवाट फर्केपछि आकस्मिक बैठक बोलाएका हुन् । मंगलवार विहान देखि मन्त्रीपरिषद बैठक बसिरहेको छ । तर उद्योग वाणिज्य तथा आपूर्तिमन्त्री मातृका यादव मन्त्रिपरिषद बैठक बीचैमा छाडेर हिंडेका छन् ।

सिंहदरबारमा बसेको बैठक चलिरहेका बेला यादव बाहिरिएका हुन् । यादवले मंगलबार मात्र पत्रकार सम्मेलन गरी भारतीय तरकारी र फलफूलको विषादी परीक्षण प्रकरणमा सरकारलाई सचिवहरुले फसाएको प्रतिक्रिया दिएका थिए । प्रधानमन्त्री केपी ओली पनि मन्त्री यादवसँग सुरुदेखि नै रुष्ट छन् ।

यादवका स्वकीय सचिव सन्तोष विष्टले संसदमा जवाफ दिनुपर्ने र त्यसको तयारी गर्नुपर्ने भएकाले चाँडै बैठबकाट बाहिरिएको बताए । ‘उहाँले संसदमा जवाफ दिनुपर्ने भएकाले तयारीका लागि बाहिरिनुभएको हो’, विष्टले भने ।