काठमाण्डौं,साउन २६ । नेपाली नारीहरुको महान् चाड तीज नजिकिदै जादा तीज सम्बन्धि गीतहरु सार्वजनिक भइरहका छन् । यसै मेसोमा गायिका बुनु श्रेष्ठ पनि तीज गीत लिएर दर्शक तथा स्रोता माझ आएकी छिन् । गायिका बुनु श्रेष्ठ र गायिका शिलु अधिकारीको स्वर रहेको ‘ वर्ष दिनको तीज’बोलको तीज गीत सार्वजनिक गरिएको छ ।

रङ्गपत्रकार शान्ति प्रियको शब्द रहेको ‘वर्ष दिनको तीज’ बोलको गीतमा सन्तोष श्रेष्ठको सङ्गीत रहेको छ । गीतलाई नारायण दंगालले एरेन्ज गरेका छन् । गीतको भिडियोमा सबना आचार्य र साथीहरुलाई फिचरिङ् गरिएको छ ।

सुबोल थापाले निर्देशन तथा कोरियोग्राफी गरेको गीतको भिडियोमा सबिन भट्टराईको छायाँकन र रोशन दाहालको सम्पादन रहेको छ ।

स्टुडियो साउन्ड मिल मा रेर्कडिङ गरिएको गीतमा महेश्वर मान राजभण्डारीको मिक्सिङ/मास्टरिङ र फुर्बा तामाङको रेकर्डिङ रहेको छ । गीतलाई साउन्ड मिलको अफिसियल युट्युब मार्फत सार्वजनिक गरिएको हो ।