काठमाण्डौं,भाद्र १२ । भृकुटीमण्डपमा जारी नाडा अटो शो २०१९ मा एमभी अगस्टाको एफ ४ मोडलको बाइकले धेरैको ध्यान तानेको छ । अन्य कुराका अतिरिक्त यसको मूल्यले समेत यसरी सबैको ध्यान खिच्न सफल भएको हो ।एमभी अगस्टा एफ ४ बाइकको मूल्य ६१ लाख ९० हजार रुपैयाँ छ । इटालियन कम्पनी एमभी अगस्टाको यो बाइकमा ९९८ सीसी इन्जिन क्षमता छ ।

सो बाइकको इन्जिनले १९५ एचपी पावर र ११० एनएम टर्क जेनेरेट गर्छ । बाइकको तौल १९१ किलोग्राम छ र इन्धन ट्यांकी १७ लिटरको छ ।यस पटकको अटो शोमा राखिएको यो सबैभन्दा महंगो बाइक हो । नेपालमा भेलोसिटी प्रालिले एमभी अगस्टाका बाइक बिक्री–वितरण गरिरहेको छ ।