काठमाण्डौं,भाद्र १३ । चलचित्र ‘छ माया छपक्कै’ पहिलो गीत ‘जुनको जुनेली’ सार्वजनिक गरिएको छ । लोक शैलीको गीत शुक्रबार विहान सार्वजनिक गरिउको हो ।

गीतमा चलचित्रका प्रमुख कलाकारहरु दीपकराज गिरी, जितु नेपाल, केदार घिमिरे, केकी अधिकारी र सुपुष्पा भट्ट फिचर्ड छन् ।

राजेन्द्र थापाको शब्द, बसन्त थापा र मिना निरौलाको स्वर रहेको गीतमा बसन्तकै सङ्गीत, योगेशकाजीको एरेञ्ज र एचवीएन किस्मतको मिक्सिङ छ ।

गीत सार्वजनिकसँगै निर्माण टिमले चलचित्रको प्रदर्शन मिति पनि घोषणा गरेको छ । चलचित्रत्र असोज २४ गतेबाट प्रदर्शनमा आउने भएको छ ।