काठमाण्डौं,बैशाख ११ । सरकारको लकडाउनको अवज्ञा गर्दै कोटेश्वर,जडिबुटी लोकन्थली र पेप्सीकोला क्षेत्रमा मंगलबार देखी एकाएक बेलुका बस चल्न थालेको छ । ती बसहरु धेर जसो कोशीपारी, रामेछाप, दोलखा,खोटाङ जाने यात्रुहरुका लागि संचालन गरिएको हो ।

लकडाउनको बेला काठमाण्डौंमा अलपत्र परेका,समस्यामा परेका नागरिकका लागि भनेर स्थानिय तहका जनप्रतिनिधीको सक्रियतामा अनौपचारिकरुपमा संचालनमा ल्याइएको बसले जथाभावी भाडा लिएको बुझिएको छ । हामीले सो बिषयमा दोलखा जाने एक यात्रु सँग कुरा गर्दा उनले भने “अरु बेला पाँच सय भाडा थियो भने यति बेला एक हजार देखि बढि नै भनेको छ” हामीलाई सुनाए ।

यता यात्रु सँग भाडा उठाउने र उता स्थानिय सरकारले निःशुल्क बस सेवा गरेको बारे फरक भनाई आउँदा लकडाउनको बेला बस संचालन कसरी र को बाट भएको हो स्पस्ट हुन सकेको छैन । काठ्माण्डौंमा भोकै मर्नु भन्दा गाउँ मै मर्नु बेस भनेर कोचाकोच भएपनि गाउँ पर्कने यात्रीहरुलाई यस्तो बेलाको अवसर छोप्न नदिन सरकार चनाखो हुन जरुरी छ ।