काठमाण्डौ १० कार्तिक । दशैं, तिहार र छठ पर्वको अवसरमा शनिबार काठमाडौंको भृकुटीमण्डपमा शुभकामना आदानप्रदान तथा चियापान कार्यक्रममा नेता कार्यकर्ता तथा सर्वसाधारणको बाक्लो उपस्थिति रहे पनि प्रधानमन्त्री के पी ओली अस्वस्थताका कारण सहभागी भएनन । चियापानमा सहभागीहरुलाई अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल, झलनाथ खनाल, वामदेव गौतम लगायतले स्वागत गरेका थिए ।

३ बजे आउने भने पनि प्रम को स्वास्थ्यमा समस्या का कारण आउन नसकेको महासचिव बिष्णु पौडेल ले पत्रकारहरुलाई जानकारी गराउनु भएको थियो ।

नेपाली काँग्रेसका सभापति शेर बहादुर देउवा, बिभिन्न कुतनितिक नियोगका उच्च पदश्त ब्यक्तित्व र कार्यकर्ताको बाक्लै उपस्थिती रहेको थियो ।