काठमाडौ । नेपाल कम्युनिष् पार्टीका वरिष्ठ नेता माधवकुमार नेपालले कसैको ध’म्की र ध’मा’सबाट कोही नतर्सने बताएका छन् । उनले प्रधानमन्त्री केपी शर्मा ओलीले पार्टी फोड्ने, संसद बिघटन गर्ने, संकटकाल लगाउने, अध्यादेश ल्याउने भन्दै धम्की दिने गरेको कुरा उल्लेख गर्दै यस्ता कुराले कोही नतर्सने बताएका हुन् ।

फाउन्डेसन फर क्रिटिकल डिस्कोर्सद्वारा आयोजित सेमिनारमा बोल्दै नेता नेपालले भने, ‘पार्टी फोडिदिन्छु, संसद बिघटन गरिदिन्छु, इमर्जेन्सी लगाइदिन्छु, अध्यादेश ल्याइदिन्छु भनेर तर्साएर कोही तर्सनेवाला छैन ।’ उनले पार्टीभित्र अधिनायकवाद र मनपरीतन्त्र नचल्ने बताए ।

ओलीप्रति संकेत गर्दै नेपालले भने, कसैको अधिनायकवाद र मनपरीतन्त्र चल्दैन । नेता नेपालले पार्टी विधि र पद्धतिबाट चल्छ र पार्टी निर्णयबाटै सबै चल्नुपर्ने बताए । नेकपाभित्रको विवाद सल्टिने नाम नलिंरहंदा नेता नेपाल यस्तो अभिव्यक्ति दिएका हुन् । पछिल्लो समय उनी ओलीविरोधी मोर्चामा उभिएका छन् ।