सिराह,असार ३१ । धार्मिक एतिहासिक महत्व बोकेको पारशनाथ मन्दिर संरक्षण उन्मुख रहेको छ । २०३५ सालमा स्थानियवासीले सिराह जिल्लाको कल्याणपुर नपा ३ इटहरी प्रसाहिको खेतबारीमा काम गरेको बेला एक किसानले भगवान महादेवको मुर्ति फेला परेको थियो । तत्पस्चात पुरातत्त्व विभागले पछि खाेजीनीति गरेको र मुर्ति लाई बाहिर निकाल्न जमिन खन्दा मुर्तिकाे माेटाइ बढदै गएको र पछि खन्न नसके पछि पुरेर केही भाग मात्र देखिने गरि मन्दिर बनाएको थियो ।

मठ वरिपरिको जग्गामा पुरानो भाँडाकुँडा र इँटा लगायतको वस्तु भेटिन थालेपछि बहुमुल्य वस्तु पनि हुनसक्ने भन्दै मठ वरपरका क्षेत्र सिल गरि पुरातत्त्व विभागले खाेजतलास गरेको थियो । भनिन्छ, त्यहाँ बहुमुल्य पारस पत्थर भेटिएको थियोे र साेही कारण मन्दिरको नाम पारशनाथ रहन गएको बताइन्छ । त्यस लगत्तै तत्कालीन राजा वीरेन्द्रको आगमन हुँदा मन्दिरमा रहेको साे पत्थर हराएको थियो ।

हाल स्थानीय र संघीय सरकारले मन्दिरको विकासमा ध्यान नदिदाँ पर्यटकीय विकासको उच्च सम्भावना बाेकेकाे याे मन्दिरकाे साैन्दर्यकरणको काम अधुरो छ भने उचित बाटोघाटाे अझै बन्न सकेको छैनन् ।