उठ! साथमा देश मिलेर बचाउन
सुतेकाहरुलाइ पनि छ जगाउन

हातमा हात राख काँधमा काँध मिलाउ
सत्य जोगाउन असत्य मेटाउन

ज्यान देशको निम्ति अर्पिए जो पुर्खाले
जुटौं साकार उनको सपना बनाउन

लुकेका छन देशका दुश्मन हाम्रै घर-घरमा
जरुरी छ अब पाठ खोजेर पढाउन

प्रेम पुर्वक मिलेर रहुँ हामी आपसमा
हिमाल,पहाड,तराइ नपरोस टुक्र्याउन।।

पुर्खाको पौरख हाम्रो गौरव,”जय चन्द्र,सूर्य”

कबिता – हेमा सेन ठकुरी