काठमाडौ, ११ मंसीर ।  चलचित्र ‘गरुड पुराण’ को पहिलो गीत सार्बजनिक गरिएको छ। ‘म त पिरिममा…’ बोलको गीत यु ट्युबमा सार्बजनिक गरिएको हो । आगामी ४ माघ बाट प्रदर्शन हुने चलचित्रलाई सुवास कोईरालाले निर्देशन गरेका हुन् ।

सार्बजनिक गीतमा कोशिस क्षेत्रीको संगीत रहेको छ । गीतलाई दिनेश राउतले लेखेका हुन् । कोशिस र मनिषा पोखरेलको स्वरमा रहेको गीतमा निश्चल बस्नेतले अभिनय गरेका छन् । उनी पछिल्लो समय गीतमा मोडलका रुपमा छाउन थालेका छन् । गीतको भिडियोमा मा निश्चलसँगै कर्मा शाक्य, गरुड पुराणकी नवोदित अभिनेत्री प्रियंका सिंह ठकुरी र मोडल अञ्जली योञ्जनको नृत्य रहेको छ ।