सोलुखुम्बु,साउन ३२ । सोलुखुम्बुको पासाङल्हामू गाउँपालिका वडा– ५ मा पर्ने थामेखोलामा आएको बाढीमा फसेका ७ जनाको उद्धार गरिएको छ । सोलुखुम्बुका प्रमुख जिल्ला अधिकारी देवी पाण्डे खत्रीका अनुसार नेपाली सेनाले बाढीमा फसेकाहरुको उद्धार गरेको हो ।

थामेखोलाको बाढीले ३ वटा घर बगाएको छ भने केहीघर अति जोखिम परेका छन् ।

नेपाल प्रहरीका अनुसार थामे खोलामा पानीको बहाव बढेको कारण भोटेकोशीको बहाव अचानक बढेको खबर पाउन साथ इप्रका थाम्बुचे नाम्चे बाट नेपाल प्रहरी र नेपाली सेनाको खटिएको जनाएको छ । यो समाचार तयार पार्दासम्म बिद्यालय १,क्लिनिक १,घर ७ वटा होटल – ५ गरी पूर्णरुपमा क्षति भएको बताएको छ । अझै ७ वटा घर जोखिममा रहेको र १ जना मानिस हराएको भनेको छ ।

माप्य दुधकोशी गापा ६ बेदेबहार बलेखा स्थित रहेका ५ घरधुरीका परिवारलाई सुरक्षित स्थानमा सारिएको छ ।