काठमाण्डौं,भदौ २ । लोकप्रिय गायिका शान्तिश्री परियार र नित्यशिवाको स्वरमा ‘गोर्खा पल्टन’ बोलको गीतको भिडियो सार्वजनिक भएको छ ।
गीत र भिडियोमा लिंग बिभेदको बिषयलाई उठान गर्न खोजिएको छ । भिडियोमा दुई युवती बिचको सम्बन्धलाई लिएर प्रस्तुत गरिएको छ ।

भिडियोमा समान लिंगका महिला वा पुरुष जो सुकैले पनि आफ्नो स्वतन्त्रता पुर्वक र रोजेको सँग सम्बन्ध राखेर जीवनयापन गर्न पाउनु पर्छ भन्ने कथा बुनिएको छ ।

भिडियोमा स्मारिका ढकाल र दिपा शाहीले अभिनय गरेका छन् । सुपक अधिकारीको शब्द र परिकल्पना,चक्र बहादुर बरालको छायांकन र नृत्य सियोन श्रेष्ठ रहेको छ । त्यस्तै सिलन लम्सालको सम्पादन,मदन न्यौपानेको श्रृङ्गार र चर्चित गीतकार शंकर अधिकारी घायलको निर्देशन रहेको छ । आयान अधिकारीको प्रस्तुतिमा सन्तोष पराजुलीको निर्माण रहेको छ । भिडियोलाई सुपक अधिकारी युट्युब च्यानलबाट हेर्न सकिन्छ ।