काठमाण्डौं,भदौ ४ ।आयोजक कन्स्टिलेसन कलेज प्रथम कथालय/कन्स्टिलेसन कप यु–१९ बास्केटबल प्रतियोगिताको ब्वाइजमा सोमबार क्वाटरफाइनलमा प्रवेश गरेको छ ।

विशाल मिलन केन्द्रको कोर्टमा कन्स्टिलेसनले जेभियर इन्टरनेसनल कलेजलाई ५२–४४ ले पराजित गर्‍यो । ब्वाइजमै नागर्जुन ४ ले सीसीआरसीलाई ८०–६९, मनास्लुले टाइम्सलाई ५४–४५ र प्रिमियरले केसीसीएसलाई ५२–१७ ले हराउदै क्वाटरफाइनलमा स्थान सुरक्षित गरे ।

यससंगै ब्वाइजमा क्वाटरफाइनल समीकरण तयार भएको छ । क्वाटरफाइनल कन्स्टिलेसन र नागर्जुन एनजेवाइएस, टाइम्स र नागर्जुन ४, प्रिमियर र जेभियर तथा मनास्लु र सीसीआरसीबीच हुनेछ ।

गल्र्सको राउन्ड रोविन लिगअन्तर्गत भएको एक मात्र खेलमा कन्स्टिलेसन विजयी भयो । कन्स्टिलेसनले बलर्स एकेडेमीलाई २१–७ ले पन्छायो ।