प्रेम कथामा नयाँ स्वाद बोकेको चलचित्र ‘खुस्मा’ को गीत रिलिज (भिडियो सहित)
काठमाण्डौं,भदौ ९ । चलचित्र ‘खुस्मा’ को गीत रिलिज भएको छ । आईतवार राजधानीको बिग मुबिज सिनेमा घर कमलपोखरीमा कलाकार र पत्रकार माझ उक्त चलचित्रको ‘रुकुम मैकोट’बोलको गीत रिलिज भएको हो ।
चलचित्रको उक्त गीतलाई एसडी योगी र शान्तीश्री परियारले स्वर दिएका छन् भने सुरेन राईले कोरियोग्राफ गरेका छन् । संगीत एस डी योगी कै रहेको छ । सुरेन्द्र राना,राम सुबेदी,अशोक थापा मगरले गीत लेखेका छन् ।
पत्रकारहरुले सोधेका प्रश्नको जवाफ दिंदै नायक धीरज मगरले भने ‘ सँधै फरक शैलीमा अभिनय गर्न रुचाउने मेरो सोच अनुरुप यो चलचित्र बनेको छ र सोही अनुसार तपाईंले आज मलाई रुकुमेलीको ड्रेसमा सजिएर नाचेको देख्न पाउनु भयो ।
स्थानीय भाषालाई टिप्न केही मेहनत गर्नु पर्यो आशा छ दर्शकहरुले मन पराइ दिनु हुने छ । ‘ भन्नु भयो त्यस्तै नायिका उपासना सिंह ठकुरीले पनि चलचित्र राम्रो बनेको र यो गीतले चर्चा पाउनेमा ढुक्क रहेको भनिन् ।
द्वन्दकालका समयताकाको एक प्रेम कथालाई समेटी चलचित्र भनाएका छौं यसको गीतसंगीत र निर्देशकीय पाटोमा निकै मेहनेत गरेका छौं । निर्देशकले अशोक थापा मगर ले भने ।
चलचित्र असोज ३ गते देखी देशभरका सिनेमा घरमा प्रदर्शनमा आउने छ । (तस्बिर फोटोपत्रकार रतन ब.चन्द ले खिचेका हुन् ।)
