काठमाण्डौं,भदौ २० । नेपाल भलिबल संघ का अध्यक्ष जितेन्द्र बहादुर चन्द ‘एशियन भलिबल कन्फिड्रेसन (AVC) को बोर्ड मेम्बरमा निर्बाचित हुनु भएकोमा संघले बधाई तथा शुभकामना कार्यक्रमको आयोजना गर्‍यो ।

आज काठमाण्डौंको नक्सालमा आयोजित कार्यक्रममा नेवारी परम्परा अनुसार सगुन दिएर चन्दलाई बधाई तथा शुभकामना दिईएको हो । अध्यक्ष चन्द थाइल्याण्डमा भरखरै सम्पन्न भएको एशियन भलिबल कन्फिड्रेसन (AVC) को २५औं साधारण सभाबाट बोर्ड मेम्बरमा निर्वाचित भएका हुन् ।

निर्वाचनमा बिजयी भएपछी उनि हिजो मात्रै स्वदेश फर्किएका थिए ।

कार्यक्रममा एशोसियसनका पदाधिकारी,खेलाडी र शुभचिन्तकहरुले खादामाला लगाएर बधाई दिए ।

कार्यक्रममा स्वागत स्विकार्दै अध्यक्ष चन्दले भने “भलिबल खेलमा धेरै ठुला ख्याती कमाएका राष्ट्रहरुको प्रतिस्प्रधा बिच नेपालको प्रतिनिधित्व गर्दै एशियन भलिबल कन्फिड्रेसन को बोर्ड मेम्बरमा निर्वाचित हुन पाउँदा मेरो मात्र नभै देशकै गौरव बढेको महसुस गरेको छु । यस प्रकारको सम्मानलाई जोगाइ राख्न मेरो हरसम्भव प्रयत्न रहने छ ।”