काठमाण्डौ,भदौ ३१ गते । निर्वाचन आयोग ले स्थानीय तहको निर्वाचन पछी खाली रहेको स्थाननिय निकाएको पदमा उपनिर्वाचन का लागि सरकारलाई परामर्श गरेको छ । आईतवार एक प्रेस बिज्ञप्ती जारी गर्दै सरकार सँग परामर्श गरेको जानकारी दिएको हो ।

प्रेस बिज्ञप्तीमा २०७९ सालमा सम्पन्न भएको स्थानीय तहको निर्वाचन पश्चात् देशभरबाट विभिन्न कारणले स्थानीय तहमा रिक्त जिल्ला समन्वय समितिका प्रमुख २, गाउँपालिका अध्यक्ष २, उपाध्यक्ष ३ र वडा अध्यक्ष ९ तथा नगरपालिका प्रमुख १, उपप्रमुख १ र वडा अध्यक्ष २१ गरी देहायका जम्मा ३९ रिक्त पदमा संवत् २०८१ मंसिर १६ गते आइतबार उपनिर्वाचन सम्पन्न गर्नेगरी मिति तोक्न आयोगबाट नेपाल सरकारलाई परामर्श दिइएको छ।

नेपालको संविधान तथा स्थानीय तह निर्वाचन ऐन,२०७३ बमोजिम जिल्ला समन्वय समितिका प्रमुख, उपप्रमुख तथा गाउँपालिकाका अध्यक्ष, उपाध्यक्ष, वडा अध्यक्ष र नगरपालिकाका प्रमुख, उपप्रमुख, वडा अध्यक्षको पदावधि समाप्त नहुँदै निजको पद कुनै कारणले रिक्त भएमा र एक वर्षभन्दा बढी पदावधि बाँकी रहेको अवस्थामा बाँकी अवधिका लागि रिक्त पदको पूर्ति उपनिर्वाचनद्वारा हुनेछ साथै उपनिर्वाचन हुने मिति निर्वाचन आयोगको परामर्शमा नेपाल सरकारले तोक्नेछ भन्ने व्यवस्था भए बमोजिम परामर्श दिइएको हो।