साफ वुमन च्याम्पियनसीप भोलि देखि दशरथ रंगशालामा शुरु हुँदै

समूह बी मा रहेको आयोजक नेपालले भने आफ्नो पहिलो खेल शुक्रबार भुटानसँग खेल्नेछ ।

प्रतियोगिताका लागि सबै टोली काठमाडौं आइसकेका छन् । प्रतियोगिताको अघिल्लो दिन आयोजित प्रि–म्याच कन्फेरेन्समा सहभागी ७ वटै टोलीका कप्तान तथा प्रशिक्षक उपस्थित थिए ।

नेपाली टिमका मुख्य प्रशिक्षक राजेन्द्र तामाङले प्रतियोगिताको तयारीका लागि थोरै समय भएपनि टिम तयार रहेको बताए । ‘महिला लिगले गर्दा तयारीका लागि धेरै काम गर्न पाएनौं, तर हामी च्याम्पियनसिपका लागि तयार छौं’, प्रशिक्षक तामाङले भने, ‘यसअघि नेपालले डिफेन्समा गल्तीले गर्दा फाइनलमा हारेको थियो । यसपटक हामीले डिफेन्समा सुधार गरेका छौं ।’