काठमाण्डौं,असोज ३० गते । साफ च्याम्पियनशिप खेलमा सहभागी हुन लागेका नेपाली राष्ट्रिय महिला फुटबल टिमका खेलाडीहरुलाई युनिलिभर नेपालले ट्राभल किट्स बितरण गरेको छ । बुधवार ललितपुर स्थित एन्फाको कार्यालयमा नेपाली राष्ट्रिय महिला फुटबल टिमका खेलाडीहरुलाई सुट्केस र युनीलिभर कम्पनीद्धारा उत्पादित सामाग्रीहरुको ब्याग बितरण गरेको थियो ।

बितरण समारोहलाई सम्बोधन गर्दै एन्फाका अध्यक्षले खेलाडीलाई सहयोग गर्ने युनिलिभर कम्पनीलाई धन्यवाद दिनु भयो । युनिलिभरका प्रमुखले यस अघी पनि खेलाडीहरुलाई सहयोग गरेको र अहिले पनि गर्न पाउँदा खुशीलागेको बताउनु भयो ।

कार्यक्रममा एन्फा महिला फुटबल टिमका सम्पूर्ण खेलाडी प्रशिक्षक,एन्फाका पदाधीकारीको उपस्थिती रहेको थियो । कार्तिक १ गते देखि “साफ महिला च्याम्पियनसिप २०२४” प्रतियोगिता दशरथ रङशालामा हुँदैछ ।