काठमाण्डौं,कार्तिक २८ गते । विद्युत् प्राधिकरणका कार्यकारी निर्देशक कुलमान घिसिङले १५ दिनभित्र बक्यौता नतिरे उद्योगहरूको लाइन पुनः काटिदिने बताएका छन् ।

नेपाल सरकारले १५ दिनभित्र बक्यौता उठाउन निर्देशन दिएकाले त्यसको कार्यान्वयन आफूले सुरु गरेको उनले बताए ।‘नेपाल सरकारको निर्देशनअनुसार १५ दिनभित्र बक्यौता बुझाउनुपर्ने छ । त्यस अवधिमा बक्यौता नबुझाउने हो भने हामी आफ्नो प्रक्रियामा फेरि पनि लाग्नेछौं,’ उनले भने ।

१५ दिनभित्र बक्यौता नउठे त्यसको जिम्मा नेपाल सरकार र ऊर्जा मन्त्रालयले पनि लिनुपर्ने उनले बताए। लाइन काट्नेकुरामा कुनै राजनीति नगरिएको पनि उनले भने । संबिधानको ऐन कानुन भित्र रहेर काम गरेको छु त्यो काम संस्था र देशको हितको लागि मात्रै होस् भन्ने चाहना रहेको बताए । आफु कुनै पनि कुरामा बिचलित नहुने र उच्च मनोबलताको साथ लाग्ने पनि भने ।