नेपालगन्ज, बैशाख ४ । स्वस्तिका लिम्वुको हत्यारालाई कारबाहीको माग गर्दै माइती पक्षले आज जिल्ला प्रशाशन कार्यालय घेराउ गरेका छन् । स्वस्तिकाको मृत्यु सामान्य नभई उनको हत्या हो भन्ने माइतीको आरोप रहेको छ।

मृतक स्वस्तिका श्रीमानलाई प्रहरीले पक्राउ गरि अनुशन्धान प्रक्रिया अघि बढाइ सकेको भए पनि राजनितिक दबाबले मुद्दा कमजोर बनाउन सक्ने भन्दै माइती समुहले दबाब दिन आज बिरोध प्रदर्शन गरेको हो ।

केही महिना मात्र अघि प्रेमविवाह गरेकी स्वस्तिका नेपालगञ्जको भृकुटिनगरमा आइतवार घरमा मृत फेला परेकी थिइन् । मुकेश भन्ने आयुष बुढाक्षेत्रीसँग प्रेमविवाह गरेकी लिम्बुको श्रीमानले नै हत्या गरेको राँझामा रहेका माइती पक्षले आरोप लगाएका छन् ।

लिम्बुको शरीरमा कुटपिटको नीलडाम समेत देखिएको छ। माइती पक्षले आज जिल्ला प्रशाशन कार्यालयमा हत्यारालाई कारबाहीको माग गर्दै ज्ञापन पत्र समेत बुझाएका हुन् ।