काठमाडौं, २१ असार । काठमाडौंको बबरमहलमा आज (शनिबार) बिहान ट्याक्सीले स्कुटरलाई ठक्कर दिँदा एक पुरुषको ज्यान गएको छ। दुर्घटनामा ओखलढुंगाको सुनकोशी गाउँपालिका ८, का दीपक थापाको घटनास्थलमै मृत्यु भएको प्रहरीले जनाएको छ ।

बिहान २ बजेतिर बा २ ज ११८८ नम्बरको ट्याक्सीले बा ८३ प ४०३५ नम्बरको स्कुटरलाई ठक्कर दिँएको हो । स्कुटरको पछाडि बसेका थापाको घटनास्थलमै ज्यान गएको हो।

दुर्घटनामा घाइते भएका स्कुटरका चालक काभ्रेको पनौती १०, का २२ वर्षीय रोहितसिंह ठकुरीको अहिले अन्नपूर्ण न्यूरो अस्पतालमा उपचार भैरहेको प्रहरीले जनाएको छ।