काठमाण्डौं, भाद्र २ । एयरपोर्टमा भएको घटना प्रति पुर्व युवराज पारस शाहले छमायाचना मागेका छन । सोमबार साँझ आफ्नो फेसबुक मार्फत सो कुरा ब्यक्त गरेका हुन ।

फेसबुकमा भावुक स्ट्याटस लेख्दै उनले भने “हिजो विमानस्थलमा जे भयो, मैले जे गरें त्यसको बारेमा मैले आफ्ना जनतालाई बताउनै पर्छ ।

उनले सामाजिक सञ्जालमार्फत भनेका छन्, ‘मेरो आमा उपचारको क्रममा बैंकक जाने क्रममा त्रिभुवन अन्तर्राष्ट्रिय विमानस्थलमा जब त्यहाँका प्रहरी अधिकृतले मेरो छोरालाई डण्डा ताकेपछि एउटा बाबुको नाताले मैले सहन सकिन र उनीमाथि जा इलागेँ ।’ बाँकी कुराको फैसलाको जिम्मा म नेपाली जनतालाई दिन्छु ।

आमा कोमल शाहलाई बैंककका लागि विदाइ गर्न पारस आइतबार स–परिवार विमानस्थल पुगेका थिए । उनीसँगै छोरा हृदयेन्द्र, बहिनी प्रेरणा र भान्जा पार्थक सिंह पनि विमानस्थलमा पुगेका थिए ।

पासरले थाइल्याण्डमा रहेका बाबु ज्ञानेन्द्र भेट्न जान लागेकी आमा कोमल र छोराछोरीलाई विमानस्थलमा बिदाइका लागि गएका बेला प्रहरीका नायब निरीक्षक (सई) माथि हात उठाएको घटना बाहिर आएपछि त्यसको सामाजिक सञ्जालमा विरोध भइरहेको छ ।