काठमान्डौं,माघ ५ । कर्णालीकी सन्तोषी शाही ‘लेटमिइन मिसेस ब्युटी क्विन नेपाल २०२०’ विजेता बनेकी छन् । संघीय राजधानी काठमाण्डौंमा सिजन मिडियाले सञ्चालन गरेको ‘लेटमिइन मिसेस ब्युटी क्विन नेपाल २०२०’ मा सन्तोषी विजेता बनेकी हुन् । शाहीे देशभरबाट भाग लिएका प्रतिस्पर्धीलाई पछि पार्दै सजिलै ‘लेटमिइन मिसेस ब्युटी क्विन’बन्न सफल भएकी हुन् ।

विजेता शाहीको कर्णाली प्रदेशको राजधानी सुर्खेत विरेन्द्रनगरमा स्थायी बसोवास छ । सुर्खेती शाहीले ‘लेटमिइन मिसेस ब्युटी क्वीन नेपाल २०२०’ को उपाधिसहित टिभिएस स्कुटर, इन्डोनेशियाको बाली भ्रमणको टिकट र विभिन्न उपहार प्राप्त गरेकी छिन् । मिसेज मल्टी मिडिया अवार्ड पनि हात पार्न सफल भइन् ।

यस्तै फस्ट रनरअप सविता शर्मा भइन् । उनले मिसेज पपुलरको अवार्ड पनि हात पार्न सफल भइन् । सेकेण्ड रनर अपमा सीता अर्चना पौडेल चयन भएकी छन् । उनीले पनि वेष्ट वाकको अवार्ड हात पार्न सफल भइन् । साथै दुवैले बाली भ्रमणको टिकट र विभिन्न उपहार प्राप्त गरेका छन् । थर्ड रनर अपमा रञ्जना निरौला, र फोर्थ रनर अपमा देवकला पुन छनोट भएका छन् ।

सिजन मिडियाले विगत तीन वर्षदेखि निरन्तर रुपमा लेट मिइन कोरियन स्कीन हस्पिटलको सहयोगमा मिसेस ब्युटी क्वीन नेपाल सञ्चालन गर्दै आएको छ । प्रतियोगितात्मक कार्यक्रमले महिलाको व्यक्तित्व विकास तथा आत्मविश्वास अभिवृद्धि गराउनुका साथै नेतृत्वदायी क्षमताको विकास गराउने मिडियाका अध्यक्ष प्रदीपराज वन्तले बताए । समाचार राजधानी दैनिकबाट सभार