काठमाण्डौं,फागुन २७ । पुर्व युवराज पारस शाह बारे युट्युबर सोनिका रोकायाको धारणा समाजमा देखिएको भन्दा फरक रहेको बताएकी छिन । नियात्रा टिभी सँगको अन्तर्वाताका क्रममा उनले उक्त कुरा ब्यक्त गरेकी हुन ।

पुर्व युवराज पारस शाहका नराम्रा पक्षमा मात्र औंल्याउने हाम्रो समाजले उनको भित्री मन केलाएर हेर्नुहोस् अनि मात्र तपाईहरुलाई थाहा हुनेछ वहाँ कस्तो ब्यक्तित्व हुनु हुन्छ भनेर ? यो देश वहाँकै पुर्खाको देन हो,त्यो ईतिहास नेपालीले बिर्सन नहुने उनले बताइन ।

एक अर्को प्रसँगमा उनले भनिन ‘नेपालीका कुन पुर्खाले बिदेश गई कमाएर आफ्ना सन्तान पालेका थिए र ? होसियार रहनुस् तपाई हामीलाई योजनाबद्ध तरिकाले बिदेश पलाएन हुन वाध्य पारींदैछ । दु:ख मेहनत गर्‍यो भने नेपाल मै प्रसस्त सम्भावना रहेको छ । चाहे त्यो कृषि क्षेत्रमा होस् या अन्य कुनै ब्यावसाय ।’

भरखरै उनले काठमाण्डौंको सिनामंगलमा ब्युटी सलोन खोलेकी छिन । उक्त सलोन ३० लाखको लगानीमा सुरु भएको र नेपाल मै केही गरेर बस्ने योजना रहेको उनले बताइन ।

बेलाबखतमा पारस शाह सँगको सम्बन्धले चर्चामा आउने सोनिकाको उक्त सलोनको उदघाटनका दिन पुर्व युवराज पारस पनि फुलका बुकी बोकेर आएका थिए । उनले त्यहाँ कपाल धोएर बधाई तथा शुभकामना दिएका थिए ।

चलचित्र जगतकी हस्ती दिपाश्रीले रिबन काटेर उदघाटन गर्नु भएको थियो । पुर्व युवराज पारस शाह आउने भनेपछी पत्रकारहरुको बाक्लो उपस्थिती रहेको थियो ।