काठमाण्डौं,फागुन २९ । लोक दोहरी गायिका हरिमाया रायमाझी र भाईबहिनी मिलेर संचालन गरेको क्वीन रोधी क्लबले आफ्नो स्थापनाको पहिलो वार्षिक दिवस मनाएको छ ।

बुधवार काठमाण्डौंको दरबारमार्गमा अवस्थित क्वीन रोधी क्लबमा एक कार्यक्रमको आयोजना गरी मनाएको हो । नेकपाका नेता तथा पुर्व उपप्रधानमन्त्री टोप बहादुर रायमाझीको प्रमुख आतिथ्यमा सम्पन्न उक्त वार्षिक उत्सवमा बरिष्ठ लोक गायक अम्मर बिरही गुरुङ, बरिष्ठ गायक लक्ष्मण रायमाझी,चर्चित बाल गायिका आयुषा गौतम, मन्जु पौडेल, कृष्ण कंडेल, सर्मिला गुरुङ लगायत पत्रकारहरुलाई मायाको चिनो तथा सम्मान प्रदान गरिएको थियो ।

गायिका मन्जु पौडेलले संचालन गर्नु भएको कार्यक्रममा बालकलाकार आयुषा गौतम,इन्द्रेनीका संचालक तथा गायक कृष्ण कंडेल, चर्चित लोक गायिका गायिका सर्मिला गुरुङ ,चर्चित गायिका मन्जु पौडेल , लोक दोहरी गायिका हरिमाया रायमाझी, बरिष्ठ लोक गायक अम्मर बिरही गुरुङ लगायत सो रोधी क्लबका कलाकारहरुले गीत गाएका थिए ।

प्रमुख अतिथी रायमाझी र संचालक हरिमाया दुबैले केक काट्नुभएको थियो ।
बेलुका ७ बजे देखि सुरु भएको कार्यक््रmम राती २ सम्म चलेको थियो । हेर्नुहोस् भिडियो : –