बेलबारी,चैत ८ । बेलबारी नगरपालिकाले नगपालिकाले विश्वभरीनै भित्रिएको कोरोना भाइरसलाई लक्षित गरेर १५ बेडको अस्थाई आइसोलेशन वाड तयार गर्ने भएको छ ।

बिहबार बसेको कार्यपालिकाको वैठकले आइसोलेशन वार्ड तयार गर्ने निर्णय गरेको मेयर ज्ञानेन्द्र सुवेदिले बताए । वैठक सकिए लगतै स्वास्थ्य शाखालाई २४ घन्टा भित्र आइसोलेशन तयार गर्न निर्देशन दिएको मेयर सुवेदिले बताए । अधादर्जन भन्दा वढि स्वास्थयकर्मी खटाइने उनले बताए । कोरोनाका लागि बेलबारी नगरपालिकाले प्रदेश एकमै पहिलोपटके यस्तो निर्णय गरेको बुझीएको छ । टोल टोलमा सचेतना समन्धी कार्यक्रम गरीने समेत उनले बताए ।

आइसोलेशन वार्डमा भर्ना भएर थप जटिल समस्या देखिए बिपि कोइराला स्वास्थय प्रतिष्ठान धरान तथा अन्य असपतालहरुमा तुरुन्तै रिफर गरी उपचार गराउने प्रबन्ध समेत मिलाइएको उनले बताए ।