कोहलपुर,बाँके, बैशाख २२ । नेपालगन्जमा ९ जनामा कोरोना संक्रमण बिरामी भेटिए पछी कोहलपुरमा उच्च सतर्कता अपनाउँदै स्थानियहरुले बाटो बन्द गरेका छन । स्थानियले अत्यावश्यक काम बाहेक कोहलपुर ८ गोल्छा तिर प्रवेश निषेध भन्दै बार लगएका हुन ।

बाँकेको नेपालगन्जमा एकैदिन ९ जना संक्रमित भेटिएपछि कोरोना तेस्रो चरणतर्फ उन्मुख देखिएको छ। विज्ञका अनुसार बाहिरी देशबाट आएको व्यक्तिमार्फत स्थानीयमा कोरोना सरेर समुदाय नै प्रभावित भएको अवस्थालाई तेस्रो चरण मानिन्छ ।

स्वास्थ्य तथा जनसंख्या मन्त्रालयले नेपालमा चैत २२ गते संक्रमण दोस्रो चरण अर्थात् स्थानीयमा प्रवेश गरेको घोषणा गरेको थियो। संयुक्त अरब इमिरेट्स (यूईए)को दुबईबाट फर्किएका कैलालीका संक्रमित युवाकी भाउजूमा पोजिटिभ देखिएसँगै संक्रमण दोस्रो चरणमा पुगेको थियो।