धनगढी,साउन १ । धनगढी उपमहानगरपालिकामा भक्त बीबी द्धारा संचालनमा रहेको क्वारेन्टाइन गृह बन्द गरिएको छ ।

भारतबाट आउने क्रम रोकिए संगै सो गृहलाई असार ३१ गते देखी बन्द गरिएको हो ।

धनगढी उप–महानगरपालिका वडा नम्बर ३ को कार्यालय र भक्त बिबि हेल्पीङ हेण्डस फर ह्युमानिटीको सहकार्यमा त्रिभुवन माध्यमिक विद्यालयमा सञ्चालन गरिएको क्वारेन्टाईनमा रहेका ५ जनालाई बिशेष कार्यक्रमका बिच बिदाई गर्दै समापन गरिएको हो ।

भारतबाट नेपाल फर्कने नागरिकको संख्या घट्न थालेकाले क्वारेन्टाईनबाट दिईने सेवाहरु बन्द गरिएको वडा नम्बर ३ का वडा अध्यक्ष बल बहादुर ऐरले जानकारी दिए ।

कोरोना महामारी फैलिएपछि भारतबाट स्वदेश फर्कने नागरिकलाई सेवा दिन गत जेठ देखी उक्त क्वारेन्टाईन संचालन गरिएको थियो भने सो क्वारेन्टाइनमा १३१ जना नागरिकहरुले सेवा पाएको संस्थाले बताएको छ ।

सुदूरपश्चिमकै नमुना क्वारेन्टाईनका रुपमा रहेको भक्त बिबि क्वारेन्टाईनले क्वारेन्टाईन गृहमा बस्ने नागरिकका लागि कुनै पनि सेवा सुविधाको कमी हुन नदिएको र क्वारेन्टाईनबाट नागरिकहरुलाई उपयुक्त सुविधा सहितको सेवा प्रदान गरिएको भक्त बिबिका केन्द्रिय सल्लाहकार राज बहादुर चन्दले बताउनु भयो ।