काठमाण्डौं, साउन ९ । जनता समाजवादी पार्टीका नेता डाक्टर बाबुराम भट्टराईले संसद अधिवेशन बोलाएर प्रधानमन्त्रीबाट केपी शर्मा ओलीलाई बिदा गर्नुपर्ने बताएका छन् ।

सामाजिक सञ्जाल ट्वीटरमा टुइट गर्दै डा भट्टराईले देश गम्भीर संकट तिर गइरहेको र लोकतान्त्रिक ढंगले संकट मोचनका लागि संसदको अधिवेशन बोलाई केपी ओलीलाई प्रधानमन्त्रीबाट बिदा गरेर नेकपाबाटै अर्को प्रधानमन्त्री बनाउनु पर्ने बताएका हुन ।

त्यस्तै उनले महान्यायाधीश चोलेन्द्र शमसेर जबरामाथि महाअभियाेग लगाउन प्रस्ताव गरेका छन् । यसका साथै उनले भ्रष्टाचार रोक्न शक्तिशाली लोकपाल गठन गर्न र प्रत्यक्ष निर्वाचित कार्यकारी राष्ट्रपति प्रणालीमा जान पनि प्रस्ताव गरेका छन् ।

श्रीमतीको हत्यामा दोषी ठहर भएका सशस्त्र प्रहरीका पूर्व डीआइजी रञ्जन कोइरालाको कैद सजाय घटाउने फैसलापछि सर्वोच्च अदालतको चर्को आलोचना भइरहेका बेला बाबुरामको यस्तो भनाइ आएको हो ।