काठमाण्डौं,भदौ २९ । कोरोनाको कहरमा भ्रष्टाचारको गन्ध आउनु दुर्भाग्य भएको कुरा सर्वोच्च अदालतका अधिवक्ता किर्तिनाथ शर्मा पौडेलले बताउनु भएको छ । आईतबार नियात्रा टिभी सँग गरिएको अन्तर्वाताको क्रममा वहाँले उक्त कुरा बताउनु भएको हो ।

“सरकारले ८० करोडको राहत बाँटेको भनेको छ तर जनताले २ किलो चामल पाएका छैनन् त्यसकारण जनताको सुचना पाउने अधिकारलाई कुण्ठित नगरी सार्वजनिक गरियोस भन्दै सर्वोच्चमा हालेको रिट जारी भएको छ । त्यस्तै कोरोना रोकथाममा साढे आठ अर्ब खर्च भयो भनेर भनेको छ त्यो पैसा कहाँ खर्च भयो सुचनाको अधिकार ऐन र नेपालको संबिधानको धारा २७ ले दिएको सुचनाको अधिकारका अनुसार सम्पूर्ण जनताले जान्न पाउने हक रहेको र सरकारले कहाँ के के मा खर्च गरियो बताउनु पर्छ ।” भन्नु भयो ।

“न्यायपालिकाले गरेको निर्णयले कार्यपालिकालाई भ्रष्टाचार गर्नबाट रोकेको छ । न्यायपालिकाको उत्तरदायी भूमिकाको म खुलेर प्रसंसा गर्छु । ” भन्नु भयो । हेर्नुहोस् भिडियो:-