काठमाण्डौं,असार १९ । अन्तर्राष्ट्रिय नेपाली साहित्य समाजको आगामी जुलाई ९ र १० तारिख सम्पन्न हुन गइरहेको केन्द्रीय कार्यसमितिको निर्वाचनका लागि साहित्यकार सुनील सङ्गमले अध्यक्ष पदमा आफ्नो उम्मेद्वारी दिनु भएको छ ।

हाल अनेसासको केन्द्रीय उपाध्यक्ष रहनु भएका सङ्गमका ४ वटा कृति र फुटकर कथा, कविता, गीत, गजल, मुक्तक तथा लेखहरू प्रकाशित छन् ।
लामो समयदेखि वैदेशिक रोजगारीको सिलसिलामा इजरायल हुँदै युरोपमा बसोबास गरिरहनु भएका सङ्गम अनेसास इजरायलका संस्थापक पनि हुनुहुन्छ । सङ्गम अनेसास इजरायल र पोर्चुगल च्याप्टरको अध्यक्षसमेत रहिसक्नु भएको छ ।

सुनिल सङ्गमको वास्तविक नाम सुनिल कृष्ण श्रेष्ठ हो । २०३३ सालमा सिन्धुलीमा जन्मनु भएको उहाँ २०१८ यता अनेसास केन्द्रीय कार्यसमितिको उपाध्यक्ष हुनुहुन्छ । यस्तै २०१२ देखि २०१८ सम्म अनेसास पोर्चुगल च्याप्टर र अनेसास इजरायलको २००८ देखि २०१० सम्म अध्यक्ष हुनुहुन्थ्यो ।