काठमाण्डौं,कार्तिक १७ । आगामी मंसिर ४ गते हुने प्रतिनिधिसभा तथा प्रदेशसभाको निर्वाचनका लागि काठमाण्डौं क्षेत्र नम्बर १ (ख) प्रदेश सभा सदस्यका उम्मेदवार यज्ञ बहादुर शाहको घरदैलो कार्यक्रम आजदेखि शुरु भएको छ । बिहीवार बिहान वडा नम्बर ३१ को शंखमुलको गणेशथानमा पूजाआजा गरी शुरु भएको घरदैलो कार्यक्रम सो क्षेत्रका मतदाता सँग भेटघाट स्थानीयवासीले उम्मेदवारलाई टोल–टोलमा रहेका समस्या तथा गुनासोहरू व्यक्त गरेका थिए । 

सो अवसरमा उम्मेदवार शाहले जनचाहना अनुसारका विकासका कार्यहरू पूरा गर्ने प्रतिवद्धता जनाउनु भएको छ । कार्यक्रममा उत्साहित स्थानीयवासीको उल्लेख्य उपस्थिति देखिन्थ्यो ।घरदैलो कार्यक्रममा जिल्लाका नेता कार्यकर्ताको सहभागीता रहेको थियो । त्यस्तै अपराहन्नको समयमा प्रतिनिधिसभाका उम्मेदवार रबिन्द्र मिश्रको पनि उपस्थिती रहेको थियो । ३१ नम्बर वडाकार्यालयबाट शुरु भएको घरदैलो कार्यक्रम प्रगती नगर, शन्तीनगर,प्रयागमार्ग,कारेश्वर मन्दिरमा पुगेर सकिएको थियो ।