काठ्मान्डौं,फागुन १६ । हृदयघात भई टिचिङ्ग अस्पतालमा उपचाररत राष्ट्रिय फोटो पत्रकार समुह नेपालका पूर्व केन्द्रीय सदस्य तथा सुदुरपश्चिम इञ्चार्ज राजेन्द्र थापालाई एनएफपिजे नेपालले सहयोग गरेको छ ।

उपचारमा आफूलाई आर्थिक कठिनाई भएको र थप उपचारका लागि आर्थिक सहयोग गर्न थापाले अपिल गरेका थिए । एनएफपिजे नेपालका उपाध्यक्ष शुशिलकुमार श्रेष्ठ, सागर श्रेष्ठ र प्रदिप कुमार श्रेष्ठको उपस्थितिमा थापालाई  टिचिङ अस्पतालमा एनएफपिजे नेपाल आपतकालिन राहत कोषमार्फत रु २५,००० को चेक हस्तान्तरण गरिएको छ ।

सहयोग हस्तान्तरणसँगै एनएफपिजे नेपालको तर्फबाट स्वास्थ्य लाभको कामना समेत गरिएको छ । एनएफपिजे नेपालका उपाध्यक्ष शुशिलकुमार श्रेष्ठले आपतकालिन कोषमा सहयोग गर्नुहुने सबैमा आभार व्यक्त गर्नुभएको छ ।