काठमाण्डौं,भदौ १५ । कोरोनाका कारण एक जना स्वास्थ्यकर्मीको निधन भएको हो । महोत्तरीको मनरासिसवा ४ का ४० वर्षीय हेल्थ असिस्टेन्टको कोरोनाका कारण निधन भएको हो ।

स्थानीय स्तरमै निजी क्लिनिक सञ्चालन गरेका स्वास्थ्यकर्मी भदौ ७ गते देखि विरामी भएका थिए । उनलाई घरमै राखेर उपचार गरिएको थियो । तर स्वास्थ्य अवस्था विग्रदै जान थालेपछि वीपी कोइराला विज्ञान प्रतिष्ठानमा लगिएको थियो । उनको उपचारका क्रममा भदौ १२ गते वीपी कोइराला विज्ञान प्रतिष्ठान धरानमा निधन भएको प्रदेश २ स्वास्थ्य निर्देशनालयका बरिष्ट अधिकृत विजय झाले जानकारी दिएका छन ।

उनकी श्रीमती समेत कोरोना संक्रमित भएको र उनको पनि धरानमै उपचार भइरहेको छ । कोरोनाका कारण ज्यान गुमाएका ति स्वास्थ्यकर्मीलाई अन्य कुनै रोग थियो वा थिएन भन्ने कुराको विस्तृत विवरण आएको छैन । अधिकृत झाले त्यसवारे बुझ्ने काम भइरहेको नजाएका छन् ।